നീലിച്ച ചുണ്ടുകള്‍ സന്ധ്യ പോലെ കൂമ്പി
മുന്‍പില്‍ നീ മരവിച്ചു കിടന്നപ്പോള്‍
തുള വീണ കുടയ്ക്ക് കീഴില്‍
ആകാശം പെയ്യുന്നത് പോലെ,
വാടിയ പൂക്കളില്‍ മനസ്സ് പെയ്യ്തത്
നിന്നെ ആഴ്ന്നു വന്നു തൊട്ടിരുന്നോ ?
എന്നൊക്കെയോ നീ കണ്ണുകളില്‍ നോക്കി
പറയാതെ പറഞ്ഞതെല്ലാം
ഇന്ന് ചലനമില്ലാത്ത മുഖത്തു നോക്കി
വീണ്ടും വീണ്ടും ഞാന്‍ ചോദിച്ചു..
മറുപടി നീ പറഞ്ഞില്ല ..
ദീര്‍ഘമായൊരു തണുപ്പില്‍
നീ പുതഞ്ഞുപോയിരിക്കുന്നു..
ചൂട് തേടി നിന്നിലൂടെ
എന്‍റെ മനസ്സിന്‍റെ വേരുകള്‍
വളര്‍ന്നുകൊണ്ടിരുന്നു ..
വ്യര്‍ത്ഥമായൊരു മൌനത്തില്‍
നീ പറഞ്ഞുകൊണ്ടേയിരുന്നു ..
എനിക്കൊരിക്കലും വായിച്ചെടുക്കാനാവാത്ത
എന്തൊക്കെയോ ..
എന്‍റെ ചോദ്യങ്ങള്‍ക്കും
നിന്‍റെ ഉത്തരങ്ങള്‍ക്കുമിടയിലൂടെ
ഒരു മഴക്കാലം കടന്നുപോയി...
No comments:
Post a Comment