Friday, November 29, 2013

വൈകി കിട്ടുന്ന കത്തുകള്‍

വൈകിയെത്തുന്ന ചില കത്തുകളില്‍
അക്ഷരങ്ങള്‍ പുഴപോലെ ഒഴുകും
കടലുപോലെ മാടിവിളിക്കും ..
ജീവിതം തടവിലാക്കിയവര്‍ക്ക്,
ഒരു തിരിച്ചുപോക്ക്
സാധ്യമാകില്ലെന്നറിയാം
എങ്കിലും,
തപാല്‍പ്പെട്ടിയുടെ തുരുമ്പില്‍
കാലം കാത്തുവച്ച മായാത്ത
അക്ഷരങ്ങള്‍ക്കൊണ്ട്
നെഞ്ചിലൊരു
പ്രണയകുടീരം പണിതുയര്‍ത്തി
തിരിച്ചൊന്നുമെഴുതാതെ നമ്മള്‍ ..
ഇതാ മരണത്തിനു തൊട്ടുമുന്‍പ്
ഒരിക്കല്‍കൂടി തിരിഞ്ഞു നോക്കുന്നു..
ജീവിക്കാന്‍ മറന്നുപോയ ഋതുക്കളില്‍
നമ്മള്‍ എന്ത്ചെയ്യുകയായിരുന്നുവെന്ന്‍..

1 comment:

  1. ഇത് വളരെ നന്നായി . പേരും ഉഗ്രൻ

    ReplyDelete