Monday, September 24, 2012

കാത്തുസൂക്ഷിക്കുവാന്‍

മഞ്ചാടിനിറമുള്ള ചുടുചോര
ആര്‍ത്തിയോടെ ഒഴുകിനടന്ന
നീലിച്ച ഞരമ്പുകള്‍
മിടിപ്പുകളില്ലാത്ത
നിശ്ചലമായിരിക്കുന്നു !
പ്രാണന്‍റെ വാചാലതയെല്ലാം
വലിച്ചുകുടിച്ചൊരു
മരണത്തില്‍ പൊതിഞ്ഞു
ഞാന്‍  കിടക്കുന്നു !
ചൂണ്ടുവിരലില്‍ അമ്മാനമാടാന്‍
കൊതിച്ച ലോകം ,
ആറടി മണ്ണ് മാത്രം തന്ന് അഹങ്കാരത്തോടെ
നോക്കുന്നു !
വിരലുകളില്‍ നിന്‍റെ ചൂടുതങ്ങാതെ
ഒരു നീണ്ട മരവിപ്പിലേയ്ക്കെന്‍റെ
പ്രണയമഴിഞ്ഞു വീഴുന്നു !
നീയും നിന്‍റെ സ്വപ്നങ്ങളും
നിറഞ്ഞയീ ഹൃദയം
ഞാനെന്‍റെ കയ്യൊപ്പ് പതിച്ച് 
തിരികെ നല്‍കാം !
എന്‍റെ കവിതകള്‍ക്കിടയില്‍ നീയത്
കാത്തുവയ്ക്കുക !!

No comments:

Post a Comment