Saturday, November 21, 2009

അപ്പോഴും ഒന്നുമറിയാതെ...



ഞാന്‍ ഉറങ്ങാതെ നിന്നെ തേടിയ രാവുകളില്‍,

കാടുകള്‍ക്കപ്പുറം ഏതൊ രാപ്പാടി പാടി….

നിദ്ര കനിയാത്ത യാമങ്ങളില്‍ ഞാനും അവള്‍ക്കൊപ്പം പാടിയിരുന്നു,

വേദന തകര്‍ത്ത കൂട്ടിനു മുന്‍പില്‍ തളര്‍ന്നിരുന്നു അവള്‍ തേങ്ങി..

എന്നും പിടയുന്ന നെഞ്ജോടെ ,

നിശയുടെ ക്രൂരമായ നോട്ടങ്ങല്‍ക്കുമുന്പില്‍ അലയാറുണ്ട് …

പിന്നീടെപ്പോഴോ എന്റെ ഇടറിയ സ്വരങ്ങള്‍ക്ക് കൂട്ടായി നിന്ന രാപ്പാടിയുടെ ഗാനം നിലച്ചു..

നീലവാനത്തിന്റെ മാറിലൂടെ അവള്‍ എവിടേക്കോ പറന്നു..

മറ്റാരുടെയോ വിരഹത്തിനു കൂട്ടായി…

അപ്പോഴും ഒന്നും അറിയാതെ കാട്ടുപൂക്കള്‍ ചിരിക്കുന്നുണ്ടായിരുന്നു.…

1 comment: